Nína Óskarsdóttir | Í gjótu / Cavern

*english below*

Nína Óskarsdóttir opnar einkasýningu á steinþrykksverkum sem unnin voru á árunum 2015-2017. Verkin á sýningunni eru afrakstur tveggja ára vinnustofudvalar hjá Leicester Print Workshop í Bretlandi þar sem Nína sérhæfði sig í steinþrykki.

Léttar veitingar í boði á opnunardag.

Sýningin verður þar eftir opin:
lau 28. apríl 13-16
sun 29. apríl 13-16
þri 1. maí 13-16
lau 5. maí 13-16
sun 6. maí 18-20 – LOKAHÓF

Öll verkin á sýningunni eru til sölu.

Steinþrykk er mynd teiknuð með feitri krít eða bleki á slípaðan kalkstein. Steinninn er síðan vættur með sýru sem ætir hreina fleti og gerir þá vatnsdræga. Teikningin er þvegin af með terpentínu og steinninn bleyttur með vatni sem smýgur inn í hann þar sem hann var ættur en fitan úr blekinu/krítinni hrindir vatninu frá sér. Þegar feitri prentsvertu er valsað yfir steininn sest hún á feitu myndfletina en hrekkur af þeim röku. Myndin er síðan þrykkt á pappír í pressu.

https://ninaoskarsdottir.com/


A solo exhibition by Nína Óskarsdóttir of her stone lithographs from the years 2015-2017. The work in the exhibition is the result of a two year fellowship at Leicester Print Workshop, UK where Nína specialised in Stone Lithography.

Light refreshments on opening day.

The exhibition will be open there after on:
Sat 28th April 1-4 pm
Sun 29th April 1-4 pm
Tue 1st May 1-4 pm
Sat 5th May 1-4 pm
Sun 6th May 6-8 pm – FINISSAGE

All the prints in the exhibition are for sale.

Stone Lithography is an image drawn with oil based crayon or ink on a polished limestone. The stone is then doused with acid which etched the clean areas, making them more water absorbent. The drawing is washed of with terpentine and damped with water which is absorbed by clean stone but repelled from the oil based drawing materials. When ink is rolled on the stone it sticks to the greasy image. The image is then printed onto paper on a printing press.

https://ninaoskarsdottir.com/

 



f16260418-nC3ADna-C3B3skar-18.jpg
Nína er nýflutt heim eftir fjögurra ára búsetu í Bretlandi. Í gjótu er fyrsta steinþrykkssýning hennar hér.

Stærsti parturinn er unninn út frá hugmyndum um það sem leynist í náttúrunni, sérstaklega íslenskri náttúru. Eitthvað sem býr í hrauninu, klettunum og gjótunum, passar upp á okkur og kannski hrekkir okkur líka,“ segir Nína Óskarsdóttir myndlistarkona um steinþrykksverkin sem hún er að opna sýningu á.

Við stöndum inni í hinu óviðjafnanlega galleríi Ekkisens sem er í kjallara bakhúss við Bergstaðastræti. Gólfið er svo hreint að það er nánast guðlast að fara ekki úr skónum. „Við vorum að mála það í gærkveldi,“ útskýrir myndlistarkonan en segir alveg óhætt að ganga á því með skó á fótum.

Það eru samt listaverkin á veggjunum sem athyglin beinist að. Sum þeirra tengjast þjóðtrú Íslendinga enda kveðst Nína vilja sýna náttúrunni og vættum hennar virðingu. Önnur eru gerð til heiðurs konum og vinnuframlagi þeirra, ekki síst á ökrunum og á heimilunum, að sögn Nínu. Þar eru fléttur í hári áberandi, stundum abstrakt og stundum fígúratívar. „Rómantísk hugmynd um konurnar með síðu flétturnar og þann kvenlega kraft sem þær bjuggu yfir. Svolítið forn sýn á það hvernig allt var þegar fólk var í meiri snertingu við náttúruna en nú. Það er einhver orka sem kemur þaðan. Þú sérð það í mörgum myndum mínum,“ útskýrir listakonan sem gerir ýmsar tilraunir bæði með tækni og myndefni.

Nína útskrifaðist frá myndlistardeild Listaháskóla Íslands 2014 og hélt þá til Bretlands að læra steinþrykksfræði hjá Leicester Print Workshop. Segir þar um sambland af eðlis- og efnafræði að ræða og kemur með örstutta útgáfu af aðferðinni. „Stórir kalksteinar eru slípaðir niður, teiknuð á þá mynd, þeir síðan ættir og myndin svo prentuð á pappír í þar til gerðri pressu.“

Nína er nýflutt heim frá Bretlandi og verkin á sýningunni voru öll unnin þar. Hún kveðst ekki hafa tekið með sér kalkstein frá útlöndum heldur hafa aðstöðu hér í Íslenskri grafík til að iðka þessa list. „Svona steinar eru líka í Listaháskólanum og á nokkrum verkstæðum í einkaeigu. Þeir eru endurnýttir aftur og aftur.“

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Change )

Google photo

You are commenting using your Google account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

Connecting to %s

%d bloggers like this: